Ծնվել է 1932 թվականի&nbsp;մարտի 8-ին,&nbsp;Երևանում: 1941-1950&nbsp;թթ. սովորել է&nbsp;Երևանի Չայկովսկու անվան երաժշտական դպրոցում&nbsp;(Կոնստանտին Խիզանյանի&nbsp;և&nbsp;Լևոն Գրիգորյանի&nbsp;դասարան): 1950-1953 թթ. կրթությունը շարունակել է&nbsp;Երևանի Կոմիտասի անվան պետական կոնսերվատորիայում&nbsp;(Լևոն Գրիգորյանի դասարան): 1953-1956 թթ. սովորել է&nbsp;Մոսկվայի կոնսերվատորիայում՝ ուսանելով աշխարհահռչակ թավջութակահար&nbsp;Մստիսլավ Ռոստրոպովիչի&nbsp;դասարանում: 1955 թվականին Պրահայի Հանուշ Վիհանի անվան թավջութակահարների միջազգային մրցույթի դափնեկիր է:<br><br>Հայ առաջին թավջութակահարն է, ով պատուհան բացեց դեպի միջազգային հեղինակավոր բեմեր: Նրան ծափահարել են աշխարհի բազմաթիվ երկրներում՝&nbsp;Ամերիկայի Միացիալ Նահանգներում,&nbsp;Կանադայում,&nbsp;Ֆրանսիայում,&nbsp;Գերմանիայում,&nbsp;Իսլանդիայում,&nbsp;Արգենտինայում,&nbsp;Ուրուգվայում,&nbsp;Սիրիայում,&nbsp;Լիբանանում,&nbsp;Կորեայում,&nbsp;Ռումինիայում,&nbsp;Հունգարիայում,&nbsp;Բուլղարիայում,&nbsp;Լեհաստանում,&nbsp;Բելգիայում,&nbsp;Լյուքսեմբուրգում, նախկին խորհրդային հանրապետություններում և այլ երկրներում։ Ելույթներ է ունեցել աշխարհի ամենահեղինակավոր համերգասրահներում, ինչպիսիք են Նյու Յորքի «Carnegie Hall», Փարիզի «Théâtre des Champs Elysées», «Salle Pleyel», Բուենոս Այրեսի «Teatro Colón», Լյուքսեմբուրգի «Grand Théâtre», Մոսկվայի «Bolshoi Théâtre» և այլուր: Որպես երաժշտական փառատոների ժյուրիի անդամ և նախագահ՝ հանդես է եկել տարբեր երկրներում, վարել վարպետության դասեր:<br><br>1957 թվականից դասավանդում է Չայկովսկու անվան երաժշտական 10-ամյա դպրոցում, 1960 թվականից՝&nbsp;Կոմիտասի անվան պետական կոնսերվատորիայում&nbsp;(1983 թվականից՝&nbsp;պրոֆեսոր)։ Նրա դպրոցն այսօր լայն ճանաչում ունի ոչ միայն Հայաստանում, այլև նրա սահմաններից դուրս: Նրա հայ, ռուս, չինացի, իրանցի և տարբեր այլ ազգությունների ուսանողներն այսօր փայլում են ԱՄՆ-ի, Մեքսիկայի, Ֆրանսիայի, Պորտուգալիայի, Գերմանիայի, Շվեյցարիայի, Բուլղարիայի և այլ երկրների բեմերում: Եղել է Երևանի քաղաքային Սովետի պատգամավոր (1965):<br><br>Թավջութակային գրականության բազում ստեղծագործություններ, որոնց գերակշիռ մասի առաջին կատարողն է եղել, գրվել են Մեդեա Աբրահամյանի կատարողական արվեստի շնորհիվ: Նրան նվիրված ստեղծագործություններ են հորինել հայ և օտարազգի մի քանի տասնյակ կոմպոզիտորներ (Էդուարդ Միրզոյան,&nbsp;Ալեքսանդր Հարությունյան,&nbsp;Ավետ Տերտերյան,&nbsp;Էդգար Հովհաննիսյան,&nbsp;Արտեմի Այվազյան,&nbsp;<a href="https://anmmedia.am/hy/musician/ghazaros-saryan" target="_blank">Ղազարոս Սարյան</a>,&nbsp;Ադամ Խուդոյան,&nbsp;Մարտուն Իսրայելյան,&nbsp;Աշոտ Զոհրաբյան,&nbsp;Ռուբեն Սարգսյան,&nbsp;Էմին Արիստակեսյան, Էդուարդ Հայրապետյան,&nbsp;Ալեքսանդր&nbsp;և&nbsp;Վարդան Աճեմյաններ,&nbsp;Սեպուհ Աբգարյան,&nbsp;Ալիսիա Թերզյան, Լևոն Աստվածատրյան, Սուրեն Զաքարյան,&nbsp;Էդուարդ Սադոյան,&nbsp;Յուրի Գևորգյան, Իզաբելլա Արազովա, Ֆելիքս Գլոնտի, Զոլտան Ալմաշի, Եժի Մլոդիևսկի, Թենգիզ Շավլոխաշվիլի, Վաժա Ազարաշվիլի, Յուրի Լանյուկ և ուրիշներ):<br><br>Նրա լեգենդար անունն այսօր դարձել է դասական կատարողական արվեստի խորհրդանիշ: