Տիգրան Հախնազարյան

Nov 30 1978

Ծնվել է Երևանում 1978 թ-ին: Գերազանցությամբ ավարտել է Երևանի կոնսերվատորիայի ջութակի` պրոֆ. Սուրեն Հախնազարյանի դասարան և դիրիժորության բաժինը՝ պրոֆ. Էմին Խաչատրյանի դասա­րան: Կատարելագործվել է Սանկտ Պետերբուրգի Ռիմսկի-Կորսակովի անվ. կոնսերվատորիայում` լե­գենդար պրոֆեսոր Իլյա Մուսինի մոտ: Մասնակցել է անվանի դիրիժոր Կուրտ Մազուրի վարպետության դասընթացին: 23 տարեկանում դարձել է Բաշկորտոստանի Ազգային սիմֆոնիկ նվագախմբի գեղարվեստական ղեկավար և գլխավոր դիրիժոր:

2010-2012 թ. եղել է Կոմի հանրապետության Օպերայի և բալետի պետական թատրոնի գլխավոր դիրիժորը: 2013-2016 թ. եղել է Հե­ռավոր Արևելքի ակադեմիական սիմֆոնիկ նվագախմբի գե­ղար­վեստական ղեկարվարն ու գլխավոր դիրիժորը: Այս նվա­գախմբով հանդես է եկել Մարիինյան թատրոնում: 2016 թ-ից հանդիսանում է Հարավ-Սախալինսկի կամերային նվագախմբի գեղարվեստական ղեկավարը և գլխավոր դիրի­ժորը: Հյուրախաղերով հանդես է եկել Ճապոնիայում, Ավստրիայում, Մալթայում, Սերբիայում, Հարավային Կորեայում, Չինաս­տա­նում և այլուր:

Ղեկավարել է Վիեննայի սիմֆոնիկ նվագա­խում­բը, Մարիինյան թատրոնի սիմֆոնիկ նվագախումբը, Յուրի Բաշ­մետի «Մոսկվայի մենակատարներ» կամերային և այլ նվագախմբեր: Մասնակցել է մի շարք փառատոների. Վ. Գերգիևի Սանկտ Պե­տերբուրգի «Սպիտակ գիշերների աստղեր» (2014), Էմիր Կուստուրիցայի Kunstendorfclassic (2019 թ.), Յուրի Բաշ­մե­տի Խաբարովսկի փառատոն (2014, 2015 թթ.) և այլ փառատոներ: Համագործակցել է հանրահայտ երաժիշտների հետ. Յուրի Բաշմետ, Եվգենի Դոգա, Զուրաբ Սոտկիլավա, Մակվալա Կաս­րաշ­վիլի, Մայուկո Կամիյու, Ալեքսանդր Չայկովսկի, Իգոր Ֆյո­դո­րով և այլք:

Հեռավոր Արևելքում կազմակերպել է և ղեկավարել երե­խա­ների և պատանիների «Էվտերպայի աստղեր» երաժշտական փառատոնը (2015, 2017, 2019 թթ.): Նարեկ Հախնազարյանի և Վիեննայի սիմֆոնիկ նվագախմբի հետ ձայնագրել է «Ռուսական թավջութակի երաժշտության անթոլոգիա»-ն CD թողարկելու համար: Որպես ժյուրիի անդամ մասնակցել է տարբեր երաժշտական մրցույթների: