· Ժողովրդական
Կոմիտասի թանգարան-ինստիտուտը երկու նոր գիրք է հրատարակել
Հայաստանում 2008 թվականից նշվում է Գիրք նվիրելու օրը: Ի պատիվ մեծ բանաստեղծ Հովհաննես Թումանյանի, այն նշվում է նրա ծննդյան օրը՝ փետրվարի 19-ին:
Կոմիտասի թանգարան-ինստիտուտը, նույն օրը՝ փետրվարի 19-ին, ժամը 18:00-ին հրավիրում է բոլորին ներկա գտնվելու թանգարանի հրատարակած երկու գրքերի շնորհանդեսին:
«Հարսանեկան երգեր» (մաս Ա) խորագրով ժողովածուն թանգարանի «Հազար ու մի երգ» հայկական ժողովրդական երգերի մատենաշարի Գ հատորն է: Հրատարակվել է համագործակցությամբ Երևանում «Գյոթե» կենտրոնի հետ: Գիրքը կազմել և խմբագրել են թանգարանի գիտական բաժնի աշխատակիցներ Լիլիթ Հարությունյանը և Աստղիկ Մարտիրոսյանը:
«Կոմիտասը և իր ժառանգությունը» խորագրով մյուս գիրքը գիտական հոդվածների ժողովածու է, թանգարանի ամենամյա հրատարակվող տարեգրքի Ե հատորը: Հատորում տեղ են գտել Կոմիտասի 150-ամյա հոբելյանի առիթով Բեռլինում տեղի ունեցած միջազգային գիտաժողովին ներկայացված նյութեր: Ժողովածուի պատասխանատու խմբագիրը Տաթևիկ Շախկուլյանն է (թանգարանի գիտական բաժնի ղեկավար):
Շնորհանդեսից հետո տեղի կունենա թանգարան-ինստիտուտի կազմակերպած ամենամյա հարցախաղի ամփոփումը (մեկնարկը՝ փետրվարի 8-ից), որին հետևած և առավելագույնս ճիշտ պատասխաններ գրանցած մասնակիցներին թանգարանը կնվիրի իր հրատարակած գրքերից:
Մուտքն ազատ է:
Կոմիտասի թանգարան-ինստիտուտը, նույն օրը՝ փետրվարի 19-ին, ժամը 18:00-ին հրավիրում է բոլորին ներկա գտնվելու թանգարանի հրատարակած երկու գրքերի շնորհանդեսին:
«Հարսանեկան երգեր» (մաս Ա) խորագրով ժողովածուն թանգարանի «Հազար ու մի երգ» հայկական ժողովրդական երգերի մատենաշարի Գ հատորն է: Հրատարակվել է համագործակցությամբ Երևանում «Գյոթե» կենտրոնի հետ: Գիրքը կազմել և խմբագրել են թանգարանի գիտական բաժնի աշխատակիցներ Լիլիթ Հարությունյանը և Աստղիկ Մարտիրոսյանը:
«Կոմիտասը և իր ժառանգությունը» խորագրով մյուս գիրքը գիտական հոդվածների ժողովածու է, թանգարանի ամենամյա հրատարակվող տարեգրքի Ե հատորը: Հատորում տեղ են գտել Կոմիտասի 150-ամյա հոբելյանի առիթով Բեռլինում տեղի ունեցած միջազգային գիտաժողովին ներկայացված նյութեր: Ժողովածուի պատասխանատու խմբագիրը Տաթևիկ Շախկուլյանն է (թանգարանի գիտական բաժնի ղեկավար):
Շնորհանդեսից հետո տեղի կունենա թանգարան-ինստիտուտի կազմակերպած ամենամյա հարցախաղի ամփոփումը (մեկնարկը՝ փետրվարի 8-ից), որին հետևած և առավելագույնս ճիշտ պատասխաններ գրանցած մասնակիցներին թանգարանը կնվիրի իր հրատարակած գրքերից:
Մուտքն ազատ է:
