· Դասական
Օլիվեր Վեդեր. Սիրով եմ վերադարձել Հայաստան
Սիրահարների տոնը Հայաստանի ազգային ֆիլհարմոնիկ նվագախմբում կնշանավորվի «Սեր» խորագրով տոնական համերգով, որին մասնակցում են օպերային երգիչներ սոպարնոներ Լիանա Ալեքսանյանը և Նինա Մինասյանը, բարիտոն Դավիթ Բաբայանցը և տենոր Լիպարիտ Ավետիսյանը։ Նվագախումբը կղեկավարի գերմանացի դիրիժոր Օլիվեր Վեդերը:
«Առաջին այցս չէ Հայաստան։ Երկու անգամ աշխատել եմ ձեր գեղեցիկ նվագախմբի հետ և սիրով եմ եկել Հայաստան: Նվագախումբը ելույթ է ունենակու մեներգիչների ֆանտաստիկ կազմով: Ուրախ եմ, որ հնարավորություն ունեցա հանդիպել նման արտիստների»,- լրագրողների հետ զրույցում ասաց Օլիվեր Վեդերը, հավելելով, որ համաշխարհային օպերային գոհարների հետ տոնական երեկոյին կհնչեն Շառլ Ազնավուրի, Առնո Բաբաջանյանի, Միշել Լեգրանի սիրված գործերը։ Դիրիժորը վստահ ՝ ծրագիրը բոլորին դուր կգա։ Նա նաև ուրախությամբ նշեց, որ Հայաստանում երաժշտական կյանքն ակտիվ է և երաժիշտներն ու հանդիսատեսը հնարավորություն ունեն համերգները վայելելու, մինչ դեռ իր հայրենի Գերմանիայում դեռ նախորդ տարվա նոյեմբերից բոլոր համերգային կազմակերպությունները համավարակի պատճառով չեն գործում։
«Երբ տեսա, թե ինչ է կատարվում մեր երկրում, հասկացա, որ ժողովուրդը բաժանվել է խմբերի, և մենք մոռացել ենք սիրել միմյանց: Անհրաժեշտ է սիրել ու հիշել, որ առանց սիրո գուցե սխալ ճանապարհով գնանք»,- խոսելով սիրո մասին, նշեց համերգի մասնակից Լիանա Ալեքսանյանը։ Նա հավելեց, որ համավարակի պատճառով չեղյալ են հայտարարվել Եվրոպայում իր առաջիկա բոլոր համերգները և անորոշ է, թե երբ է վերսկսվելու երաժշտական կյանքը։
«Սեր» խորագրով համերգը տեղի կունենա փետրվարի 13-ին և 14-ին՝ Արամ Խաչատրյան համերգասրահում։
Լուսանկարը՝ ՀԱՖՆ FB էջից
«Առաջին այցս չէ Հայաստան։ Երկու անգամ աշխատել եմ ձեր գեղեցիկ նվագախմբի հետ և սիրով եմ եկել Հայաստան: Նվագախումբը ելույթ է ունենակու մեներգիչների ֆանտաստիկ կազմով: Ուրախ եմ, որ հնարավորություն ունեցա հանդիպել նման արտիստների»,- լրագրողների հետ զրույցում ասաց Օլիվեր Վեդերը, հավելելով, որ համաշխարհային օպերային գոհարների հետ տոնական երեկոյին կհնչեն Շառլ Ազնավուրի, Առնո Բաբաջանյանի, Միշել Լեգրանի սիրված գործերը։ Դիրիժորը վստահ ՝ ծրագիրը բոլորին դուր կգա։ Նա նաև ուրախությամբ նշեց, որ Հայաստանում երաժշտական կյանքն ակտիվ է և երաժիշտներն ու հանդիսատեսը հնարավորություն ունեն համերգները վայելելու, մինչ դեռ իր հայրենի Գերմանիայում դեռ նախորդ տարվա նոյեմբերից բոլոր համերգային կազմակերպությունները համավարակի պատճառով չեն գործում։
«Երբ տեսա, թե ինչ է կատարվում մեր երկրում, հասկացա, որ ժողովուրդը բաժանվել է խմբերի, և մենք մոռացել ենք սիրել միմյանց: Անհրաժեշտ է սիրել ու հիշել, որ առանց սիրո գուցե սխալ ճանապարհով գնանք»,- խոսելով սիրո մասին, նշեց համերգի մասնակից Լիանա Ալեքսանյանը։ Նա հավելեց, որ համավարակի պատճառով չեղյալ են հայտարարվել Եվրոպայում իր առաջիկա բոլոր համերգները և անորոշ է, թե երբ է վերսկսվելու երաժշտական կյանքը։
«Սեր» խորագրով համերգը տեղի կունենա փետրվարի 13-ին և 14-ին՝ Արամ Խաչատրյան համերգասրահում։
Լուսանկարը՝ ՀԱՖՆ FB էջից
