Համերգ՝ նվիրված ՀԲԸՄ կատարողական արվեստի բաժնի 10-ամյակին

Հրապարակվել է՝ Դկտ 19 2019, 17:56

Նյու Յորքի Քարնեգի Հոլլի «Վեիլ» համերգասրահում կայացել է համերգ՝ նվիրված Հայկական բարեգործական ընդհանուր միության կատարողական արվեստի բաժնի 10-ամյակին։ Ինչպես նշված է ՀԲԸՄ մամուլի հաղորդագրության մեջ, համերգի արդյունքում հավաքվել է ավելի քան 50 000 ԱՄՆ դոլար գումար, որը կուղղվի ՀԲԸՄ կատարողական արվեստի նախաձեռնություններին ամբողջ աշխարհում։ Ամենամյա համերգի նպատակն է տարբեր ծրագրերի միջոցով միջազգային լսարանին ծանոթացնել հայկական արվեստին։

Երեկոյին առաջին անգամ ելույթ են ունեցել սոպրանո Անուշ Ավետիսյանը, դաշնակահար Նարա Ավետիսյանը, ջութակահար Կարեն Իսրայելյանը, ժողովրդական նվագարանների վարպետներ Յուլիա Մուսայելյանը և Մհեր Մնացականյանը։ Հոբելյանական համերգը բացվել է կիթառահարներ Սարո Բաբիկյանի և Բարդի Մինասյանի ելույթով, ովքեր կատարել են Կոմիտասի մանկական ստեղծագործությունները։ Հոբոյահար Լորեն Ուիլյամս Ուլբեգյանը և ֆագոտահար Կորնելիա Սոմերը կատարել են Ջ․Տելեմանի «Պարտիտ № 1»-ը։ Համերգին աչքի է ընկել նաև 16-ամյա թավջութակահարուհի Լաուրա Նավասարդյանը, ով կատարել է Արամ խաչատրյանի ստեղծագործություններից։

Երեկոն եզրափակվել է Գրիգոր Առաքելյանի «Սկերցո Կոմիտասի թեմայով» ստեղծագործությամբ, որը կատարել են համերգի բոլոր մասնակիցները, ևս մեկ անգամ հարգանքի տուրք մատուցելով Կոմիտասին։

Լուսանկարը՝ Էնդրյու Մուղալյանի

Հայ Կատարողներ

Սփյուռք

Կոմիտաս 150

Այլ նորություններ

Հրապարակվել է՝ Հնվ 20 2021, 14:36

Հայ պատանի դաշնակահարները՝ միջազգային մրցույթի մրցանակակիրներ

Հրապարակվել է՝ Հնվ 20 2021, 13:05

Գտնենք մեր ժողովրդին դրական և լուսավոր լիցքեր հաղորդելու լավագույն ձևերը, միջոցները. Վահրամ Դումանյան

Հրապարակվել է՝ Հնվ 19 2021, 12:27

Համերգ՝ նվիրված ՀԲԸՄ կատարողական արվեստի բաժնի 10-ամյակին

Այլ նորություններ

Հայ պատանի դաշնակահարները՝ միջազգային մրցույթի մրցանակակիրներ

Գտնենք մեր ժողովրդին դրական և լուսավոր լիցքեր հաղորդելու լավագույն ձևերը, միջոցները. Վահրամ Դումանյան

Բաբաջանյանի հոբելյանի կապակցությամբ հուշադրամ է թողարկվել