"Art Of Duo"-ն նախաձեռնել է երաժիշտներին աջակցելու առցանց համերգաշար - Armenian National Music (anmmedia.am)
"Art Of Duo"-ն նախաձեռնել է երաժիշտներին աջակցելու առցանց համերգաշար

Հրապարակվել է՝ Հնս 08 2020, 15:45

Հեղինակ՝ ANM Media
Բելգիայում գործող "Art Of Duo" դուետը, որի կազմում են ջութակահար Հրայր Կարապետյանը և դաշնակահար Հասմիկ Մանուկյանը,  ներկայացնում է համերգաշար՝ երաժիշտներին աջակցելու համար: Առաջին համերգը տեղի է ունեցել մայիսի 15-ին:

«Արտիստների համար դժվարին այս ժամանակներում մենք սկսել ենք մի նախագիծ, որպեսզի աջակցենք մեր գործընկեր երաժիշտներին ու հնարավորություն տանք մեր սիրելի ունկնդրին առցանց լսելու բարձրորակ երաժշտություն: Համերգների ողջ հասույթը կտրամադրվի երաժիշտներին»,-
ANM-ին հայտնեց ջութակահար Հրայր Կարապետյանը:

Համերգաշարին կմասնակցեն տարբերի ժանրերի երաժիշտներ, որի շնորհիվ երաժշտասերներն ամեն շաբաթ կկարողանան լսել բազմաոճ երաժշտություն: Յուրաքանչյուր համերգ կարժենա 5 եվրո, քանի որ կազմակերպիչները ցանկանում են, որպեսզի երաժշտությունը հասանելի լինի շատերի համար: Համերգները լինելու են հասանելի նաև հեռարձակումից հետո:

«Եթե ինչ-ինչ պատճառներով դուք չեք կարող միանալ մեզ ուրբաթ երեկոներին, հոգ չէ: Դուք կարող եք ձեռք բերել  տոմսը և լսել համերգի ձայնագրությունն ավելի ուշ»: 

Առաջիկա համերգը տեղի կունենա հունիսի 12-ին: