«Գրեմմիի» մրցանակակիր դիրիժորը ելույթ կունենա Հայաստանի ֆիլհարմոնիկի հետ  - Armenian National Music (anmmedia.am)
«Գրեմմիի» մրցանակակիր դիրիժորը ելույթ կունենա Հայաստանի ֆիլհարմոնիկի հետ

Հրապարակվել է՝ Փտվ 10 2020, 17:35

Հեղինակ՝ ANM Media
Փետրվարի 21-ին ժամը 19:00-ին Արամ Խաչատրյան համերգասրահում տեղի կունենա Հայաստանի ազգային ֆիլհարմոնիկ նվագախմբի (գեղարվեստական ղեկավար և գլխավոր դիրիժոր Էդուարդ Թոփչյան) համերգը, որը կղեկավարի դիրիժոր, «Գրեմմիի» մրցանակակիր Ջոն Նելսոնը (ԱՄՆ):  

Ինչպես հայտնում է ՀԱՖՆ մամուլի ծառայությունը, համերգին որպես մենակատար հանդես կգա գերմանացի դաշնակահար Անդրեաս Ֆրյոլիխը, որը կներկայացնի  Վ.Ա. Մոցարտի Դաշնամուրի թիվ 17  կոնցերտը: Համերգը կբացվի  Ջ. Նիլսենի «Դիմակահանդես» նախերգանքով:  

Համերգի երկրորդ մասում կհնչի Լ. Վ. Բեթհովենի 5-րդ սիմֆոնիան: