Կանադահայ անվանի սոպրանո Իզապէլ Պայրագտարեանն առաջիկայում կթողարկի իր նոր՝ «Մյուս Կլեոպատրան․ Հայաստանի թագուհին» ալբոմը: Խոսքը գնում է Տիգրան Մեծի կնոջ՝ Կլեոպատրա Պոնտացու մասին: Պայրագտարեանի բազմաշերտ ձայնը պատմում է Տիգրանի և Կլեոպատրայի սիրո, կրքի և դրամայի մասին: Ինչպես հայտնում է կանադական «Հորիզոնը», ձայնասկավառակում ընդգրկված են արիաներ բարոկկո ժամանակաշրջանի կոմպոզիտոր Յ․ Ա․ Հասեի, Ա․ Վիվալդիի և Ք․ Վ․՝ Տիգրան Մեծին նվիրված օպերաներից արիաներ։ Ձայնագրությունը կատարել է Կաունասի քաղաքային նվագախումբը (դիրիժոր՝ Կոնստանտին Օրբելյան) և կլավեսինահար Յորի Վինիկուրը։ Ձայնսկավառակը լույս կտեսնի մարտի 20-ին։