· Ջազ
«From Me To Aznavour». Համերգ՝ նվիրված Շառլ Ազնավուրին
«Նյու Ջեներեյշն Փրոջեքթի» նախաձեռնությամբ հունիսի 15-ին Արամ Խաչատրյան համերգասրահում հնչում էին լեգենդար շանսոնյե Շառլ Ազնավուրի երգերը։ Համերգին ելույթ ունեցավ երգիչ Ղասսան Յամմինը՝ Հանրային ռադիոյի էստրադային սիմֆոնիկ նվագախմբի նվագակցությամբ (գեղարվեստական ղեկավար, ՀՀ ժողովրդական արտիստ Երվանդ Երզնկյան)։ Երաժշտական երեկոն հանդիսատեսին պարգևեց անմոռանալի հուշեր՝ ներառելով Ազնավուրի ամենասիրելի երգերը Ղասսան Յամմինի մեկնաբանությամբ, որի վառ վկայությունը հանդիսատեսի բուռն արձագանքն ու չդադարող ծափահարություններն էին։ Համերգը եզրափակվեց «Pour toi Arménie» երգով։
Երգիչ, դաշնակահար, երգահան և կոմպոզիտոր Ղասսան Յամմինը Եվրոպայում հաճախ է տարբեր նվագախմբերի հետ հանդես եկել, տարիներ շարունակ կատարել է Ազնավուրի երգերը աշխարհի մի շարք բեմերում (Ֆրանսիա, Իտալիա, Սերբիա, Հորդանան), անհավանական նման ձայնով կատարումները շատ են սիրվել ու շարունակում են գրավել հանդիսատեսի ուշադրությունը։ Եվ սա արդեն թվով երրորդ ելույթն էր Հայաստանում։ Նա հանդիսանում է MTV հեռուստաալիքի «Musical» հաղորդման պրոդյուսեր և հաղորդավար։
Երգիչ, դաշնակահար, երգահան և կոմպոզիտոր Ղասսան Յամմինը Եվրոպայում հաճախ է տարբեր նվագախմբերի հետ հանդես եկել, տարիներ շարունակ կատարել է Ազնավուրի երգերը աշխարհի մի շարք բեմերում (Ֆրանսիա, Իտալիա, Սերբիա, Հորդանան), անհավանական նման ձայնով կատարումները շատ են սիրվել ու շարունակում են գրավել հանդիսատեսի ուշադրությունը։ Եվ սա արդեն թվով երրորդ ելույթն էր Հայաստանում։ Նա հանդիսանում է MTV հեռուստաալիքի «Musical» հաղորդման պրոդյուսեր և հաղորդավար։
