ՀՊԿՆ և Լևոն Չիլինկիրեան՝ երաժշտական երեկո Անահիտ Ցիցիկյանի 100-ամյակին

Հայաստանի պետական կամերային նվագախումբը հունիսի 11-ին ներկայացրել է գեղեցիկ համերգային ծրագիր՝ նվիրված միջազգային ճանաչման արժանացած առաջին հայ ջութակահարուհի, գիտնական և մանկավարժ Անահիտ Ցիցիկյանի ծննդյան 100-ամյակին։

Համերգը ղեկավարել և որպես ջութակի մենակատար հանդես է եկել Մեծ Բրիտանիայից ժամանած անվանի երաժիշտ, «Չիլինգիրյան» լարային քառյակի հիմնադիրը և Լոնդոնի Royal Academy of Music-ի պրոֆեսոր Լևոն Չիլինկիրեանը։

Երեկոյի սկզբում երաժշտագետ Օլյա Նուրիջանյանն  անդրադարձել է Անահիտ Ցիցիկյանի գործունեությանն ու երաժշտական ժառանգությանը։

Համերգի ընթացքում հնչել են Ֆելիքս Մենդելսոնի, Հենրի Պյորսելի, Նիկոս Սկալկոտասի, Յոհան Սեբաստիան Բախի, Վոլֆգանգ Ամադեուս Մոցարտի և Լյուդվիգ վան Բեթհովենի ստեղծագործությունները։

Համերգին ներկա էր Անահիտ Ցիցիկյանի դուստրը։