Հայազգի դիրիժոր Ալան Ալթինօղլուն օպերային ոլորտի ամենահեղինակավոր՝ Միջազգային օպերային մրցանակի հավակնորդ է։ Ինչպես նշված է մրցանակաբաշխության կայքում՝ «Լավագույն դիրիժոր» տիտղոսի համար Ալթինօղլուի հետ մրցում են Ռիկարդո Ֆրիցցան, Էդվարդ Գարդները, Օքսանա Լինիվը, Յոաննա Մալվիցը և Կիրիլ Պետրենկոն։ Մրցանակակիրների անունները հայտնի կդառնան մայիսի 4-ին՝ Լոնդոնի Sadler's Wells թատրոնում։ Հիշեցնենք, որ 2016 թ-ին «Լավագույն երիտասարդ երգչուհի» և 2019 թ-ին «Լավագույն երգչուհի» անվանակարգերում հաղթող է ճանաչվել սոպրանո Հասմիկ Գրիգորյանը։