Հստակեցվում են մշակութային օջախների վերաբացման նախապայմանները և ժամկետները - Armenian National Music (anmmedia.am)
Հստակեցվում են մշակութային օջախների վերաբացման նախապայմանները և ժամկետները

Հրապարակվել է՝ Հլս 29 2020, 15:11

Հեղինակ՝ ANM Media
Առաջիկա օրերին կհրապարակվեն մանրամասն ուղեցույցներ գրադարանների, թանգարանների, համերգասրահների և թատրոնների վերաբացման վերաբերյալ։ Այս մասին պարետատան նիստից հետո հայտարարեց ՀՀ պարետ, փոխվարչապետ Տիգրան Ավինյանը։  

«Նշածս ոլորտներում սահմանափակումների մեղմումը ոչ միայն պայմանավորված է կորոնավիրուսի հետ ապրելու տրամաբանությամբ, այլ նաև այն համոզմամբ, որ մշակույթը և արվեստը կօգնեն մեզ մի փոքր հեշտ հաղթահարել սոցիալ-հոգեբանական լարվածությունը»,-նշեց պարետը։ 

Նրա խոսքով՝ ներկայումս հստակեցվում են մշակութային օջախների վերաբացման նախապայման հանդիսացող կանոնները և հստակեցվում ժամկետները։ Հիշեցնենք, որ կորոնավիրուսի համավարակի կանխարգելման նպատակով՝ Հայաստանի Հանրապետության պետական և մասնավոր մշակութային հաստատությունները դադարեցրել են իրենց գործունեությունը դեռևս մարտի 16-ին։ 

Լուսանկարը՝ Տիգրան Ավինյանի Ֆեյսբուքյան էջից