Կոնսերվատորիայում մեկնարկել են ընդունելության քննությունները - Armenian National Music (anmmedia.am)
Կոնսերվատորիայում մեկնարկել են ընդունելության քննությունները

Հրապարակվել է՝ Հլս 06 2020, 15:59

Հեղինակ՝ ANM Media
Այսօր՝ հուլիսի 6-ին Երևանի Կոմիտասի անվան պետական կոնսերվատորիայում մեկնարկել են ընդունելության քննությունները: Համավարակով պայմանավորված, քննություններն անցնում են սանիտարահիգիենիկ նորմերի խիստ հսկողությամբ և պահպանմամբ: 

Կորոնավիրուսի համավարակի կանխարգելման նպատակով այս տարի ուսանողները հանձնում են միայն մեկ՝ մասնագիտական քննություն, սակայն բուհի մասնագիտական բարձր մակարդակը պահպանելու համար տարեվերջին կրճատված քննությունների առարկաների ներբուհական քննությունները կխստացվեն: Այս տարվա համար նախատեսված է 62 անվճար, 181 վճարովի տեղ, դիմորդների ընդհանուր թիվը 246 է: 

ԵՊԿ ընդունելության քննությունները կշարունակվեն մինչև հուլիսի 10-ը։ 

Լուսանկարը՝ Թինա Գևորգյանի / ԵՊԿ