· Ժողովրդական
Սայաթ-Նովային նվիրված երաժշտական փառատոն՝ Հաղպատում
Հունիսի 17-18-ին, Լոռու մարզի Հաղպատ գյուղում անցկացվել է Սայաթ-Նովային նվիրված երաժշտական փառատոն։ Այն իրականացվել է ՀՀ ԿԳՄՍ նախարարության աջակցությամբ։
Բացման արարողությանը ներկա էին ՀՀ ԿԳՄՍ նախարարի տեղակալ Արա Խզմալյանը, Լոռու մարզպետի տեղակալ Հովհաննես Ավետիսյանը, բազմաթիվ հյուրեր, զբոսաշրջիկներ:
Արա Խզմալյանն իր խոսքում կարևորել է նման միջոցառումների անցկացումը մարզերում: Նախարարի տեղակալը վստահություն է հայտնել, որ փառատոնը կդառնա ավանդական՝ տարեցտարի ընդգրկելով նաև այլ համայնքներ, ինչու չէ նաև մասնակիցներ՝ հարևան Վրաստանից:
Հովհաննես Ավետիսյանն էլ իր և մարզի ղեկավարի անունից շնորհակալություն է հայտնել նման գեղեցիկ միջոցառման կազմակերպման համար՝ նշելով, որ այսօրինակ նախաձեռնությունները շատերի համար նորովի են բացահայտում Լոռին՝ իր անկրկնելի պատմամշակութային կոթողներով ու չքնաղ բնությամբ, հնարավորություն է տալիս մեկ անգամ ևս հաղորդակից դառնալու հայոց մեծերի ստեղծագործություններին:
Նախագծի շրջանակներում տեղի է ունեցել 2 համերգ. ելույթ են ունեցել ժողովրդական և ռոք խմբեր: Մասնակցել են «Հայաստանի գուսանական և ժողովրդական երգի պետական անսամբլը», «Հայաստանի պետական ֆիլհարմոնիայի ֆոլկ-մոդեռն», Ալավերդու պարային, Շնողի մանկական արվեստի դպրոցի ժողնվագարանների, Մարո Մուրադյանի անվան «Ակունք» ազգագարկան, Վանաձորի «Հորովել» երգի-պարի պետական, Ալավերդու «Լազուր» ժողգործիքների համույթները, «Կաթիլ» բենդը, «Կարին» ավանդական երգի-պարի խումբը:
Համերգաշարից բացի ցերեկային ժամերին երաժշտական խմբերի ներկայացուցիչները, ոլորտի առաջատար մասնագետներն անցկացրել են պարի վարպետության դասեր և դասախոսություններ՝ «Հայ աշուղական դպրոցը և Սայաթ Նովա» թեմայով։
Զուգահեռաբար կազմակերպվել է ցուցահանդես֊տոնավաճառ, որտեղ ներկայացված էին մարզի տնտեսավարողները, Հաղպատի և Նեղոցիր «ԱրՄաթ» ինժեներական դասարանը, «Տերյան մշակույթի կենտրոնը», պատրաստված էր նաև ժամանցային տաղավար երեխաների համար։
Ծրագիրը միտված էր նպաստելու մարզի մշակութային կյանքի զարգացմանն ու ակտիվացմանը: Նպատակն էր ստեղծել հարթակ՝ ավանդական երաժշտության և դրա ժամանակակից մեկնաբանությունների համար, որտեղ տարբեր նախասիրության մարդիկ հնարավորություն կունենան ևս մեկ անգամ առնչվել ազգային երաժշտությանը։
Բացման արարողությանը ներկա էին ՀՀ ԿԳՄՍ նախարարի տեղակալ Արա Խզմալյանը, Լոռու մարզպետի տեղակալ Հովհաննես Ավետիսյանը, բազմաթիվ հյուրեր, զբոսաշրջիկներ:
Արա Խզմալյանն իր խոսքում կարևորել է նման միջոցառումների անցկացումը մարզերում: Նախարարի տեղակալը վստահություն է հայտնել, որ փառատոնը կդառնա ավանդական՝ տարեցտարի ընդգրկելով նաև այլ համայնքներ, ինչու չէ նաև մասնակիցներ՝ հարևան Վրաստանից:
Հովհաննես Ավետիսյանն էլ իր և մարզի ղեկավարի անունից շնորհակալություն է հայտնել նման գեղեցիկ միջոցառման կազմակերպման համար՝ նշելով, որ այսօրինակ նախաձեռնությունները շատերի համար նորովի են բացահայտում Լոռին՝ իր անկրկնելի պատմամշակութային կոթողներով ու չքնաղ բնությամբ, հնարավորություն է տալիս մեկ անգամ ևս հաղորդակից դառնալու հայոց մեծերի ստեղծագործություններին:
Նախագծի շրջանակներում տեղի է ունեցել 2 համերգ. ելույթ են ունեցել ժողովրդական և ռոք խմբեր: Մասնակցել են «Հայաստանի գուսանական և ժողովրդական երգի պետական անսամբլը», «Հայաստանի պետական ֆիլհարմոնիայի ֆոլկ-մոդեռն», Ալավերդու պարային, Շնողի մանկական արվեստի դպրոցի ժողնվագարանների, Մարո Մուրադյանի անվան «Ակունք» ազգագարկան, Վանաձորի «Հորովել» երգի-պարի պետական, Ալավերդու «Լազուր» ժողգործիքների համույթները, «Կաթիլ» բենդը, «Կարին» ավանդական երգի-պարի խումբը:
Համերգաշարից բացի ցերեկային ժամերին երաժշտական խմբերի ներկայացուցիչները, ոլորտի առաջատար մասնագետներն անցկացրել են պարի վարպետության դասեր և դասախոսություններ՝ «Հայ աշուղական դպրոցը և Սայաթ Նովա» թեմայով։
Զուգահեռաբար կազմակերպվել է ցուցահանդես֊տոնավաճառ, որտեղ ներկայացված էին մարզի տնտեսավարողները, Հաղպատի և Նեղոցիր «ԱրՄաթ» ինժեներական դասարանը, «Տերյան մշակույթի կենտրոնը», պատրաստված էր նաև ժամանցային տաղավար երեխաների համար։
Ծրագիրը միտված էր նպաստելու մարզի մշակութային կյանքի զարգացմանն ու ակտիվացմանը: Նպատակն էր ստեղծել հարթակ՝ ավանդական երաժշտության և դրա ժամանակակից մեկնաբանությունների համար, որտեղ տարբեր նախասիրության մարդիկ հնարավորություն կունենան ևս մեկ անգամ առնչվել ազգային երաժշտությանը։
