Ֆրանկո-գերմանական Arte հեռուստաալիքը հայ երաժշտարվեստի մասին ֆիլմ է  հեռարձակել  - Armenian National Music (anmmedia.am)
Ֆրանկո-գերմանական Arte հեռուստաալիքը հայ երաժշտարվեստի մասին ֆիլմ է հեռարձակել

Հրապարակվել է՝ Ապր 27 2020, 10:38

Հեղինակ՝ ANM Media
Ֆրանկո-գերմանական Arte հեռուստաալիքը ապրիլի 26-ին հեռարձակել է հայ երաժշտարվեստի պատմությանը նվիրված վավերագրական ֆիլմ, որի ռեժիսորն է Անն-Կատրին Պեիցը: 

Այն կոչվում է «Հոգու խորքից. ճանապարհորդություն դեպի Հայաստանի երաժշտական ​​լանդշաֆտ» և պատմում է Հայաստանի երաժշտական հնագույն ակունքների մասին, որն այսօր էլ շարունակում է ոգեշնչել հայ ժամանակակից հեղինակներին՝ կոմպոզիտոր Տիգրան Մանսուրյանից մինչև «Այաս» մետալ խմբին: Ֆիլմում ներգրավված են երաժշտագետներ Ալինա Փահլևանյանը, Տաթևիկ Շախկուլյանը և Մհեր Նավոյանը:

Ֆիլմում
անդրադարձ է կատարվում Կոմիտասին, որը դարձել է այս երաժշտական ​​ժառանգության և ժամանակակից մշակույթի միջև ընկալման խորհրդանիշ: Ռեժիսորը ուսումնասիրել է այս հարուստ ժառանգությունը և զուգահեռներ անցկացվել այսօրվա երաժշտարվեստի հետ։ 

Ֆիլմում ներկայացված են Արամ Խաչատրյանը, Տիգրան Մանսուրյանը, Գևորգ Դաբաղյանը, «Գեղարդ» երգեցիկ խումբը, Միքայել Հայրապետյանը, Նարեկ Կազազյանը, «Այաս» մետալ խումբը և ջազմեն Վահագն Հայրապետյանը: