Միլանի հռչակավոր Լա Սկալա օպերային թատրոնը 4 ամիս դադարից հետո վերսկսում է իր գործունեությունը: Ինչպես հայտնում է Եվրոնյուզը, թատրոնի անձնակազմը և հյուրերը պետք է պարտադիր լինեն դիմակով և պահպանեն սոցիալական հեռավորությունը: 2000 տեղանոց դահլիճում զբաղեցված է եղել ընդամենը 600 աթոռ: Բացմանը կամերային ծրագրով ելույթ են ունեցել բարիտոն Սիմոնե Պիացոլլին, դաշնակահար Բեատրիս Ռանան և թավջութակահար Միշա Մայսկին: Լուսանկարը՝ Ալեսանդրո Գարոֆալոյի / REUTERS