Լիպարիտ Ավետիսյանն արժանացել է ՀՀ վաստակավոր արտիստի կոչման - Armenian National Music (anmmedia.am)
Լիպարիտ Ավետիսյանն արժանացել է ՀՀ վաստակավոր արտիստի կոչման

Հրապարակվել է՝ Սպտ 21 2020, 19:47

Հեղինակ՝ ANM Media
Այսօր ՀՀ նախագահ Արմեն Սարգսյանի հրամանագրերով Հայաստանի Անկախության տոնի առթիվ մշակույթի ոլորտում ներդրում ունեցած մի խումբ անձինք պարգևատրվել են շքանշաններով, մեդալներով, ստացել են կոչումներ։ 

Համաձայն հրամանագրի՝ Ա. Սպենդիարյանի անվան օպերայի և բալետի ազգային ակադեմիական թատրոնի մեներգիչ Լիպարիտ Ավետիսյանն արժանացել է Հայաստանի Հանրապետության վաստակավոր արտիստի, Պ. Չայկովսկու անվան միջնակարգ երաժշտական մասնագիտական դպրոցի ջութակի ուսուցիչ Նոռա Այվազյանը՝ ՀՀ վաստակավոր մանկավարժի պատվավոր կոչման։ 

Մովսես Խորենացու մեդալի են արժանացել կոմպոզիտոր Վաչե Շարաֆյանը և  Լիտվայի օպերայի և բալետի ազգային թատրոնի մեներգչուհի Հասմիկ Գրիգորյանը։ Երևանի Կոմիտասի անվան պետական կոնսերվատորիայի պրոֆեսոր Մարտին Երիցյանը՝ «Աշխատանքային վաստակի համար» մեդալով։

Լուսանկարը՝ Ռոբերտ Քոլոյանի