«Մեկնարկ» ծրագրի անդամները ելույթ կունենան Տավուշի սահմանամերձ բնակավայրերում - Armenian National Music (anmmedia.am)
«Մեկնարկ» ծրագրի անդամները ելույթ կունենան Տավուշի սահմանամերձ բնակավայրերում

Հրապարակվել է՝ Օգս 04 2020, 14:55

Հեղինակ՝ ANM Media
Տավուշյան վերջին դեպքերի բարոյահոգեբանական հետևանքները սահմանամերձ համայնքներում բնակվող երեխաների շրջանում մեղմելու նպատակով՝ օգոստոսի 5-6-ը նախատեսվում է «Մեկնարկ» տաղանդի զարգացման նպատակային ծրագրի անդամների, Հովհաննես Թումանյանի անվան պետական տիկնիկային թատրոնի և անվանի արվեստագետների այցը ՀՀ Տավուշի մարզ:

«Մեկնարկ» տաղանդի զարգացման նպատակային ծրագրի անդամները սահմանամերձ գյուղերի բնակիչներին կներկայացնեն  հայ և արևմտյան կոմպոզիտորների ստեղծագործություններ: Այցի շրջանակում սահմանամերձ համայնքներին կտրամադրվի պետական պատվերով հրատարակված շուրջ 100 անուն գրականություն: Ծրագիրն իրականանում է ՀՀ ԿԳՄՍ նախարարության աջակցությամբ։