Ապրիլի 24-ին Վերսալի պալատում տեղի կունենա համերգ՝ նվիրված Հայոց ցեղասպանության զոհերի հիշատակին: Պալատի պաշտոնական կայքում նշված է, որ Վերսալի Թագավորական մատուռում կհնչի հայ ժողովրդի բազմադարյա պատմության ձայնը: Երեկոյին ելույթ կունենան Շուշան և Աստղիկ Սիրանոսյանը, Վարդան Մամիկոնյանը և Մելոդի Լուլեջյանը , որոնք կկատարեն Առնո Բաբաջանյանի,եւ Կոմիտասի և Արամ Խաչատրյանի ստեղծագործությունները: