· Դասական
Երաժշտարվեստի ոլորտի ներկայացուցիչներին շնորհվել են պետական պարգևներ ու կոչումներ
Հանրապետության նախագահ Արմեն Սարգսյանի հրամանագրերով, Հայաստանի Անկախության տոնի առթիվ, պաշտպանության, անվտանգության, իրավապահ, մշակույթի, կրթության, արվեստի, սպորտի և այլ ոլորտների ներկայացուցիչներ պարգևատրվել են շքանշաններով և մեդալներով, ստացել պատվավոր կոչումներ:
Երաժշտարվեստի ոլորտում ուղեցած ավանդի համար կոմպոզիտորներ Երվանդ Երկանյանը և Լևոն Չաուշյանը պարգևատրվել են Մովսես Խորենացու մեդալով, դաշնակահար, կոնցերտմայստեր Տիհրան Հովհաննիսյանն արժանացել է ՀՀ մշակույթի վաստակավոր գործչի, իսկ Հայաստանի պետական կամերային երգչախմբի գեղարվեստական ղեկավար Ռոբերտ Մլքեյանը՝ ՀՀ ժողովրդական արտիստի կոչման։
«Անկախությունը ձեռք է բերվել մեր ժողովրդի հավաքական ջանքերով, բոլորի նվիրվածության ու միասնության շնորհիվ: Որովհետև, տիրապետող է եղել ազատ և անկախ Հայրենիք ունենալու գաղափարը:
Անկախ Հայաստանը երեսուն տարեկան է: Անցած 30 տարիներից յուրաքանչյուրը եղել է յուրատեսակ փորձության տարի:Վերջին մեկ տարին ամենածանր էր իր հետևանքներով, խնդիրներով, կորուստներով ու վերքերով: Պատերազմից մեկ տարի անց, զոհերից ու վիրավորներից բացի, դեռևս ունենք գերության և անհայտության մեջ գտնվող զավակներ, սահմանային և այլ բազմաթիվ չլուծված խնդիրներ:
Երեսուն տարվա ընթացքում մենք սովորել ենք հաղթել, 30 տարվա ընթացքում ունեցել ենք բազմաթիվ հաղթանակներ, 30 տարվա ընթացքում ունեցել ենք մեծ հաղթանակ: Սակայն 30 տարի անց մենք տեսնում ենք, որ այդ տարիներին, հաջողությունների հետ մեկտեղ, նաև սխալներ են թույլ տրվել: Մենք պետք է ուժ գտնենք հաղթահարելու դրանց հետևանքները:
Ժամանակը բազմաթիվ հնարավորություններ է ընձեռում: Պետք է կարողանանք արդյունավետ տնօրինել այդ ժամանակը, մե՛ր ժամանակը»,-իր խոսքում նշել է ՀՀ նախագահ Արմեն Սարգսյանը՝ պարգևների հանձնման արարողության ժամանակ:
Երաժշտարվեստի ոլորտում ուղեցած ավանդի համար կոմպոզիտորներ Երվանդ Երկանյանը և Լևոն Չաուշյանը պարգևատրվել են Մովսես Խորենացու մեդալով, դաշնակահար, կոնցերտմայստեր Տիհրան Հովհաննիսյանն արժանացել է ՀՀ մշակույթի վաստակավոր գործչի, իսկ Հայաստանի պետական կամերային երգչախմբի գեղարվեստական ղեկավար Ռոբերտ Մլքեյանը՝ ՀՀ ժողովրդական արտիստի կոչման։
«Անկախությունը ձեռք է բերվել մեր ժողովրդի հավաքական ջանքերով, բոլորի նվիրվածության ու միասնության շնորհիվ: Որովհետև, տիրապետող է եղել ազատ և անկախ Հայրենիք ունենալու գաղափարը:
Անկախ Հայաստանը երեսուն տարեկան է: Անցած 30 տարիներից յուրաքանչյուրը եղել է յուրատեսակ փորձության տարի:Վերջին մեկ տարին ամենածանր էր իր հետևանքներով, խնդիրներով, կորուստներով ու վերքերով: Պատերազմից մեկ տարի անց, զոհերից ու վիրավորներից բացի, դեռևս ունենք գերության և անհայտության մեջ գտնվող զավակներ, սահմանային և այլ բազմաթիվ չլուծված խնդիրներ:
Երեսուն տարվա ընթացքում մենք սովորել ենք հաղթել, 30 տարվա ընթացքում ունեցել ենք բազմաթիվ հաղթանակներ, 30 տարվա ընթացքում ունեցել ենք մեծ հաղթանակ: Սակայն 30 տարի անց մենք տեսնում ենք, որ այդ տարիներին, հաջողությունների հետ մեկտեղ, նաև սխալներ են թույլ տրվել: Մենք պետք է ուժ գտնենք հաղթահարելու դրանց հետևանքները:
Ժամանակը բազմաթիվ հնարավորություններ է ընձեռում: Պետք է կարողանանք արդյունավետ տնօրինել այդ ժամանակը, մե՛ր ժամանակը»,-իր խոսքում նշել է ՀՀ նախագահ Արմեն Սարգսյանը՝ պարգևների հանձնման արարողության ժամանակ:
