· Դասական
Բրիտանական և հայկական երաժշտական կամուրջ
Նոյեմբերի 5-ին, ժամը 19:00-ին Կոմիտասի թանգարան-ինստիտուտում տեղի կունենա «Բրիտանական և հայկական երաժշտական կամուրջ» նախագծի երրորդ համերգը, որը Բրիտանիայի և Հայաստանի միջև մշակութային փոխառնչության և
համագործակցության նոր դրսևորում է: Թանգարանի մամուլի ծառայության փոխանցմամբ՝ միջմշակութային նախագիծը նպատակ ունի հայ հանդիսատեսին ներկայացնել բրիտանական դասական և ժամանակակից երաժշտությունը, ինչպես նաև տարածել հայ մշակույթն աշխարհով մեկ՝ բրիտանացի կոմպոզիտորների շնորհիվ:
Հատուկ այս նախագծի համար բրիտանացի կոմպոզիտորներ, Լոնդոնի Թագավորական ակադեմիայի շրջանավարտներ Ջեյմս Մորիարթին, Ջոզեֆ Հովարդը, Ալիս Հանթերը, Ջոնաթան Վուլգարը ստեղծագործություններ են գրել Վահան Տերյանի, Ավետիք Իսահակյանի, Եղիշե Չարենցի և Վահագն Դավթյանի խոսքերով: Այս ստեղծագործությունները կհնչեն Սոֆյա Սայադյանի (սոպրանո), Պերճ Քարազյանի (տենոր) և Մարգարիտա Սարգսյանի (սոպրանո) կատարմամբ:
Նախագծի այս համերգը նվիրված է Կոմիտասի 150-ամյակին: Համերգը կավարտվի Ջեյմս Մորիարթիի` Եղիշե Չարենցի «Կոմիտասի հիշատակին» պոեմի հիման վրա գրված «Մի այլ երգ» ստեղծագործության պրեմիերայով: Նախագծի հեղինակն է կոմպոզիտոր, դաշնակահար, Լոնդոնի Թագավորական երաժշտական ակադեմիայի շրջանավարտ Արփինե Կալինինան։
Հատուկ այս նախագծի համար բրիտանացի կոմպոզիտորներ, Լոնդոնի Թագավորական ակադեմիայի շրջանավարտներ Ջեյմս Մորիարթին, Ջոզեֆ Հովարդը, Ալիս Հանթերը, Ջոնաթան Վուլգարը ստեղծագործություններ են գրել Վահան Տերյանի, Ավետիք Իսահակյանի, Եղիշե Չարենցի և Վահագն Դավթյանի խոսքերով: Այս ստեղծագործությունները կհնչեն Սոֆյա Սայադյանի (սոպրանո), Պերճ Քարազյանի (տենոր) և Մարգարիտա Սարգսյանի (սոպրանո) կատարմամբ:
Նախագծի այս համերգը նվիրված է Կոմիտասի 150-ամյակին: Համերգը կավարտվի Ջեյմս Մորիարթիի` Եղիշե Չարենցի «Կոմիտասի հիշատակին» պոեմի հիման վրա գրված «Մի այլ երգ» ստեղծագործության պրեմիերայով: Նախագծի հեղինակն է կոմպոզիտոր, դաշնակահար, Լոնդոնի Թագավորական երաժշտական ակադեմիայի շրջանավարտ Արփինե Կալինինան։
