Երևանյան բեմերում սպասվում են դասական երաժշտության համերգներ

Երևանյան համերգային կյանքն առաջիկա շաբաթներին և ամիսներին հարուստ է լինելու դասական երաժշտության նշանակալի իրադարձություններով։ Մայրաքաղաքի առաջատար դահլիճներում նախատեսված են ինչպես հոբելյանական համերգներ, այնպես էլ սիմֆոնիկ ու կամերային ծրագրեր։

Արամ Խաչատրյան համերգասրահում հոկտեմբերի 24-ին կկայանա «Սիմֆոնիկ Եվրոպա» ծրագիրը, իսկ հոկտեմբերի 30-ին կնշվի ջութակահարուհի Անահիտ Ցիցիկյանի 100-ամյակը։ Նոյեմբերի 14-ին համերգասրահում հանդես կգա դաշնակահար Գրիգորի Սոկոլովը, իսկ նոյեմբերի 26-ին և 27-ին կհնչեն Ռախմանինովի դաշնամուրային կոնցերտները։ Դեկտեմբերյան համերգացանկում են Արամ Խաչատրյանի «Զանգերով սիմֆոնիան»՝ դեկտեմբերի 9-ին, Ավետ Տերտերյանի սիմֆոնիան՝ դեկտեմբերի 15-ին, և Միքայել Թարիվերդիևի 95-ամյակին նվիրված երեկոն՝ դեկտեմբերի 18-ին։

Բազմազան ծրագրեր են նախապատրաստվել նաև մյուս համերգասրահներում։ Կոմիտասի անվան կամերային երաժշտության տանը հոկտեմբերի 24-ին տեղի կունենա Գի Բովեի երգեհոնային երեկոն, իսկ նոյեմբերի 11-ին՝ Մավր Մկրտչյանի ելույթը։ Հայաստանի պետական ֆիլհարմոնիայում հոկտեմբերի 27-ին կներկայացվի «Le Souffle Des Femmes» ծրագիրը, իսկ հոկտեմբերի 29-ին կնշվի Գերոնտի Թալալյանի 100-ամյակը։ Ալեքսանդր Սպենդիարյանի անվան օպերայի և բալետի ազգային ակադեմիական թատրոնում հոկտեմբերի 27-ին սպասվում է «Վիվա Վերդի» համերգը։