Նստատեղերի 10 տոկոս զբաղվածությամբ Վիգմոր Հոլլը կվերաբացվի սեպտեմբերին - Armenian National Music (anmmedia.am)
Նստատեղերի 10 տոկոս զբաղվածությամբ Վիգմոր Հոլլը կվերաբացվի սեպտեմբերին

Հրապարակվել է՝ Օգս 07 2020, 18:50

Հեղինակ՝ ANM Media
Լոնդոնի Վիգմոր Հոլլը սեպտեմբերի 13-ից  կրկին կբացվի հանդիսատեսի առջև: Այս մասին նշված է համերգասրահի պաշտոնական կայքում։ 

Յոթ շաբաթվա ընթացքում նախատեսվում է անցկացնել 80 համերգ, որը կշարունակվի մինչև նոյեմբերի 1-ը։ Համերգաշարը կբացվի գերմանացի բարիտոն Քրիստիան Գերհերի և դաշնակահար Ժերոլդ Հյուբերի ելույթով։ միջոցառումների ընթացքում ելույթ կունենան դաշնակահար  Անդրաս Շիֆը, ջութակահար Յուլիա Ֆիշերը,   «Նեշ» անսամբլը և այլոք։ 

Միջոցառումներից առնվազն 60-ը բաց կլինի երաժշտասեր հանրության համար, սակայն Covid-19-ի համավարակի կանխարգելման նպատակով  ներկաների թիվը մեկ համերգի ընթացքում կսահմանափակվի  56-ով (դահլիճի 10 տոկոսը), իսկ համերգները կտևեն 60-90 րոպե՝ առանց ընդմիջման: Նախապես կստուգվեն այցելուների ջերմաստիճանը, ձեռքի ախտահանիչ միջոցներով և տպագիր ծրագրեր չեն լինի:

Բոլոր համերգները ուղիղ եթերով կցուցադրվեն Վիգմոր Հոլլի կայքում: