«Ժողովուրդը մարդու գործերով պիտի գնահատի նրա արժանիքները»․ Ալեքսանդր Սպենդիարյան - Armenian National Music (anmmedia.am)
«Ժողովուրդը մարդու գործերով պիտի գնահատի նրա արժանիքները»․ Ալեքսանդր Սպենդիարյան

Հրապարակվել է՝ Հնս 29 2020, 19:30

Հեղինակ՝ ANM Media
Կոմպոզիտոր Անուշավան Տեր-Ղևոնդյանի հուշերը Ալեքսանդր Սպենդիարյանի մասին․

«Սպենդիարյանին բոլորը սիրում և հարգում էին ոչ միայն իբրև սքանչելի երաժշտի և մեծ կոմպոզիտորի, այլև իբրև վերին աստիճանի զգայուն, սրտացավ մարդու: Մի անգամ համերգի աֆիշում նրա ազգանունը տպագրել էին ավելի մանր տառերով, քան մյուսներինը: Դա տեղի էր ունեցել տպարանի մեղքով: Եվ երբ դրա մասին հայտնեցին Սպենդիարյանին և համերգի մի քանի մասնակիցներ անհրաժեշտ գտան ներողություն խնդրել նրանից, կոմպոզիտորը չթողեց, որ նրանք իրենց խոսքն ավարտեն և ասաց. «Ի՞նչ նշանակություն պիտի ունենա մեզ համար, թե ինչպիսի տառերով են թերթերում կամ աֆիշներում տպագրվում մեր ազգանունները: Կարևորն այդ չէ: Ժողովուրդը մարդու գործերով պիտի գնահատի նրա արժանիքները»:  

Մեջբերումը` «Ժամանակակիցները Սպենդիարյանի մասին» գրքից, կազմող` Ա. Թադևոսյան, Երևան, 1960

Նյութը տրամադրել է Ալեքսանդր Սպենդիարյանի տուն-թանգարանը