Mezzo TV-ին կցուցադրի Ռուդոլֆ Խառատյանի «Զույգ արեգակներ» ներկայացումը   - Armenian National Music (anmmedia.am)
Mezzo TV-ին կցուցադրի Ռուդոլֆ Խառատյանի «Զույգ արեգակներ» ներկայացումը

Հրապարակվել է՝ Օգս 17 2020, 10:29

Հեղինակ՝ ANM Media
Ռուդոլֆ Խառատյանի «Զույգ արեգակներ» բալետային ներկայացումը ցուցադրվելու է հանրահայտ Mezzo TV-ի եթերում։ Ինչպես հայտնում է «Բալետ 2021»-ը, այդ հեռուստաընկերության եթերով առաջին անգամ կներկայացվի հայկական մշակութային ժառանգությունը։ Ցուցադրությունը կկայանա օգոստոսի 24-ին, երևանյան ժամանակով ժամը 00:20-ին։  

«Զույգ արեգակներ» ժամանակակից  բալետում ներկայացվում է ժամանակային սահմաններ չունեցող  հայկական մշակույթի  էությունը , որը հայկական բալետը բերում է 21-րդ դար  և հաստատում Հայաստանի և հայ ազգի տեղը  այսօրվա գեղարվեստական և մշակութային զարգացումների մեջ:

«Զույգ արեգակներ» բալետը ներկայացվել է «Բալետ 2021»-ի և Ա․ Սպենդիարյանի անվան օպերայի և բալետի ազգային ակադեմիական թատրոնի կողմից` Հայոց ցեղասպանության 100-րդ տարելիցի ոգեկոչման միջոցառումների շրջանակներում։ Բեմադրության և լիբրետոյի հեղինակը Ռուդոլֆ Խառատյանն է, հնչում է 4-ից 21-րդ դարի հայկական երաժշտություն / Մեսրոպ Մաշտոց, Գրիգոր Նարեկացի, Ալան Հովհաննես, Ավետ Տերտերյան և այլք/։  Բալետի պրեմիերան կայացել է 2015-ի մայիսի 27-ին ՝ Հայոց ցեղասպանության 100-րդ տարելիցի պետական հանձնաժողովի ու Հրայր և Աննա Հովնանյանների հիմնադրամի աջակցությամբ։  

Լուսանկարը՝ «Բալետ 2021»-ի ֆեյսբուքյան էջից