Երեկ երեկոյան փակման գալա համերգի ընթացքում հայտարարվել են Արամ Խաչատրյանի անվան 16-րդ միջազգային մրցույթի հաղթողների անունները։ Առաջին մրցանակի է արժանացել Դիանա Ադամյանը (Հայաստան)‚ երկրորդ մրցանակը ստացել է Մայքլ Գերմերը (Դանիա)‚ իսկ երրորդ տեղը զբաղեցրել են Լորենց Կարլսը (Շվեդիա) և Բելլ Թինգը (Թայվան)։ Հայաստանը ներկայացնող մյուս մասնակիցը՝ Ֆելիքս Հարությունյանը, արժանացել է դափնեկրի դիպլոմի։ Կորոնավիրուսի համավարակի պատճառով այս տարի մրցույթն անց է կացվել առցանց ձևաչափով։ Պրոֆեսոինալ ժյուրին գլխավորել է ջութակահար, Կոմիտասի անվան լարային քառյակի առաջին ջութակահար և գեղարվեստական ղեկավար Էդուարդ Թադևորսյանը։