«Ավրորա ֆորում»-ի շրջանակում Հայկ Մելիքյանը հանդես կգա Մարինյան թատրոնի նվագախմբի հետ - Armenian National Music (anmmedia.am)
«Ավրորա ֆորում»-ի շրջանակում Հայկ Մելիքյանը հանդես կգա Մարինյան թատրոնի նվագախմբի հետ

Հրապարակվել է՝ Հկտ 13 2019, 20:05

Հեղինակ՝ ANM Media
Միջազգային ճանաչում ունեցող դաշնակահար, ՀՀ վաստակավոր արտիստ Հայկ Մելիքյանը «Ավրորա բարեգործական համերգ֊նվիրում» միջոցառման շրջանակում Երևանում հանդես կգա Մարինյան թատրոնի սիմֆոնիկ նվագախմբի հետ՝ Վալերի Գերգիևի ղեկավարությամբ։

Դաշնակահարը կատարելու է Արամ Խաչատրյանի դաշնամուրի կոնցերտը, Հարություն Դելլալյանի «Նվիրում Կոմիտասին» ստեղծագործությունը, ինչպես նաև Կոմիտասի գործերից՝ ձոնելով դրանք Կոմիտասի 150-ամյա հոբելյանին։ Համերգը կայանալու է հոկտեմբերի 20-ին, Արամ Խաչատրյան համերգասրահում։