Ջազի միջազգային օրը կնշվի առցանց հարթակում - Armenian National Music (anmmedia.am)
Ջազի միջազգային օրը կնշվի առցանց հարթակում

Հրապարակվել է՝ Ապր 29 2020, 14:55

Հեղինակ՝ ANM Media
Այս տարի Ջազի միջազգային օրը կնշվի առցանց հարթակում։  Այն մասին հայտնում է Ջազի հայկական ասոցիացիան, որի ֆեյսբուքյան էջում էլ կհեռարձակվի համերգը։ 

Ապրիլի 30-ին առցանց հարթակում կայանալիք համերգին մասնակցելու են Լուսինե Սարգսյանը, Կարեն Գրիգորյան տրիոն, «Նոր կվինտետ»-ը, Ռաֆայել Պետրոսյան տրիոն, Վահագն Հայրապետյան ջազ տրիոն, Արմեն Հյուսնունց կվարտետը, «Birds»-ը և Լևոն Մալխասյանը:

Հիշեցնենք, որ 2019 թվականին Ջազի միջազգային օրը Երևանում տոնեց Հայաստանի ջազ կարատողների և կուբացի հանրահոչակ դաշնակահար ՝ Գոնսալո Ռուբալկաբայի մասնակցությամբ համերգով։ 

2011 թվականին ՅՈՒՆԵՍԿՕ-ի ընդունած բանաձևի համաձայն՝ 2012 թվականից ապրիլի 30-ը նշվում է որպես Ջազի միջազգային օր:               
                                                                                                                                                                                                                                                                 
Լուսանկարը՝ Ջազի հայկական ասոցիացիայի