<span style="font-size: 1rem; font-family: FedraSansArm, sans-serif;">Նոյեմբերի 29-ին ՀՀ ԳԱԱ նախագահության նիստերի դահլիճում բացվել է «Կոմիտաս–150» գիտական նստաշրջանը և լիագումար նիստը։ Նստաշրջանը կազմակերպվել է ՀՀ գիտության կոմիտեի ֆինանսական աջակցությամբ։ Կազմակերպիչներն են ՀՀ ԳԱԱ արվեստի ինստիտուտն ու Մայր Աթոռ Սուրբ Էջմիածինը: <br><br>Երկօրյա գիտական նստաշրջանի աշխատանքներին կմասնակցեն հանրապետության առաջատար մասնագետներ` երաժշտագետներ, գրականագետներ, արվեստաբանության և ճարտարապետագիտության ներկայացուցիչներ: <br><br>Գիտաժողովի ավարտին՝ նոյեմբերի 30-ին, տեղի կունենա Արարատ Աղասյանի «Կոմիտասը հայ նկարիչների և քանդակագործների աչքերով (կոմպոզիտորի ծննդյան 150-ամյակի առթիվ)» պատկերագրքի շնորհանդեսը:<br><br>Գիտական նստաշրջանը կեզրափակվի դեկտեմբերի 1-ին՝ Մայր Աթոռ Սուրբ Էջմիածնում, հոբելյանական համերգով` Հայաստանի ազգային ակադեմիական երգչախմբի և Հայաստանի պետական սիմֆոնիկ նվագախմբի մասնակցությամբ։</span><br>