Աշխարհառչակ երաժիշտներ Սերգեյ և Լուսինե Խաչատրյանները մի քանի ամիս դադարից հետո վերադառնում են մեծ բեմ։ Այսօր՝ հուլիսի 7-ին նրանք ելույթ կունենան Ֆրանսիայի էվիան-լե-Բեն քաղաքի La Grange au Lac համերգասրահում՝ "Rencontres Musicales d´Evian 2020" համերգաշարի շրջանակներում։ Համերգային գեղեցիկ երեկոն նվիրված է սոնատի արվեստին։ Երեկոն կբացվի Վ․Ա․ Մոցարտի No. 32 սոնատով, այնուհետև կշարունակվի Ս․ Պրոկոֆևի ջութակի սոնատով։ Երաժիշտներն իրենց համերգային երեկոն կեզրափակեն Ս․ Ֆրանկի Ջութակի սոնատով։ Համերգը կհեռարձակվի Radio Classique-ի և medici.tv-ի եթերում՝ երևանյան ժամանակով ժամը 22:00-ին։