· Դասական
«Բարեկամության շառավիղներ»․ Լեգենդար Ռիկարդո Մուտին ելույթ կունենա Երևանում
Լեգենդար դիրիժոր, հայ ժողովրդի մեծ բարեկամ Ռիկարդո Մուտին ելույթ կունենա Երևանում։ Ինչպես Armenian National Music-ին հայտնեց Երևանյան հեռանկարներ միջազգային երաժշտական փառատոնի մենեջեր Սոնա Հովհաննիսյանը, այս տարի փառատոնը հյուրընկալում է Ռավենա փառատոնը, որի շրջանակներում էլ ելույթ կունենա Ռիկարդո Մուտին։ «Բարեկամության շառավիղներ» խորագրով համերգը տեղի կունենա հուլիսի 4-ին՝ Ա․ Սպենդիարյանի անվան օպերայի և բալետի ազգային ակադեմիական թատրոնում։
Երեկոյին Մուտին կղեկավարի իր Լուիջի Քերուբինիի երիտասարդական նվագախումբը։ Համերգին ելույթ կունենա Հայաստանի պետական կամերային երգչախումբը (գեղարվեստական ղեկավար և դիրիժոր Ռոբերտ Մլքեյան), սոպրանո Նինա Մինասյանը, տենոր Ջովաննի Սալան, բարիտոն Գուրգեն Բավեյանը և երգեհոնահար Դավիդե Կավալին։ Ծրագրում՝ Ֆ․ Յ․ Հայդն, Վ․Ա․ Մոցարտ, Ֆ․ Շուբերտ և Տ․ Մանսուրյան։
Համերգի նախօրեին, հուլիսի 3-ին «Արամ Խաչատրյան» համերգասրահում Հայաստանի ազգային ֆիլհարմոնիկ նվագախումբը կունենա համերգ՝ Ռիկարդո Մուտիի և Ռավենա փառատոնի պատվին։ Էդուարդ Թոփչյանի ղեկավարությամբ նվագախումբը կկատարի Բեթհովենի Թիվ 3 դաշնամուրի կոնցերտը (մենակատար՝ Մայա Օհանյան) և Բեռլիոզի «Ֆանտաստիկական» սիմֆոնիան:
Հիշեցնենք, որ Ռիկարդո Մուտին ելույթ է ունեցել Հայաստանում 2001 թ․-ին։
Երեկոյին Մուտին կղեկավարի իր Լուիջի Քերուբինիի երիտասարդական նվագախումբը։ Համերգին ելույթ կունենա Հայաստանի պետական կամերային երգչախումբը (գեղարվեստական ղեկավար և դիրիժոր Ռոբերտ Մլքեյան), սոպրանո Նինա Մինասյանը, տենոր Ջովաննի Սալան, բարիտոն Գուրգեն Բավեյանը և երգեհոնահար Դավիդե Կավալին։ Ծրագրում՝ Ֆ․ Յ․ Հայդն, Վ․Ա․ Մոցարտ, Ֆ․ Շուբերտ և Տ․ Մանսուրյան։
Համերգի նախօրեին, հուլիսի 3-ին «Արամ Խաչատրյան» համերգասրահում Հայաստանի ազգային ֆիլհարմոնիկ նվագախումբը կունենա համերգ՝ Ռիկարդո Մուտիի և Ռավենա փառատոնի պատվին։ Էդուարդ Թոփչյանի ղեկավարությամբ նվագախումբը կկատարի Բեթհովենի Թիվ 3 դաշնամուրի կոնցերտը (մենակատար՝ Մայա Օհանյան) և Բեռլիոզի «Ֆանտաստիկական» սիմֆոնիան:
Հիշեցնենք, որ Ռիկարդո Մուտին ելույթ է ունեցել Հայաստանում 2001 թ․-ին։
