<span style="font-size: 1rem; font-family: FedraSansArm, sans-serif;">Կարեն Շահգալդյանը ժամանակակից Ռուսաստանի ամենավառ երաժիշտներից մեկն է: «Պաբլո Սարասատե» միջազգային մրցույթի (Իսպանիա) դափնեկիր է:<br><br>Ավարտել է Մոսկվայի պետական կոնսերվատորիան (պրոֆեսոր Վիկտոր Տրետյակովի դասարան) և ասպիրանտուրան` պրոֆեսոր Մայա Գլեզարովայի ղեկավարությամբ: Մասնակցել է Ի. Մենուհինի, Վ. Սպիվակովի, Գ. Ժիսլինի և Եվ. Չուգաևայի վարպետաց դասերին: 1998 – 2002թթ. Կարենը եղել է Վլադիմիր Սպիվակովի ղեկավարած «Մոսկվայի վիրտուոզներ» անվանի նվագախմբի կազմում: <br><br>Նա հանդես է եկել այնպիսի հռչակավոր համերգասրահների բեմահարթակներում, ինչպիսիք են Նյու&nbsp; Յորքի (Carnegie Hall), &nbsp;Մոսկվայի (Bolshoy Hall), Լոնդոնի (Royal Festival Hall, Queen &nbsp;Elizabeth Hall, Purcell Room), Վիեննայի&nbsp; (Musikverein), Համբուրգի (Laeizhalle), Լայպցիգի (Gewandhaus), &nbsp;Մյունխենի (Gasteig - Philharmonie), Տոկիոյի (Suntory Hall, Opera City Hall), Տորոնտոյի (Koerner Hall) և այլն: <br><br>Կարեն Շահգալդյանը Արամ Խաչատրյանի անվան տրիոյի ջութակահարն է: Համերգներով հանդես է եկել ավելի քան 200 երկրներում` ԱՄՆ, Կանադա, Մեքսիկա, Չինաստան, Հարավային Կորեա, Ճապոնիա, Գերմանիա, Մեծ Բրիտանիա, Ավստրիա, Բելգիա, Ավստրալիա, Շվեդիա, Իսպանիա, Իտալիա, Մերձբալթյան երկրներ, Մոլդովա, Չեխիա, Բուլղարիա, Ղազախստան, Լիբանան, Վրաստան, Ռուսաստան և Հայաստան:</span>