<span style="font-family: FedraSansArm, sans-serif; font-size: 1rem;">Ջութակահար և պրոդյուսեր Խաչատուր Ալմազյանը ծնվել է 1974 թ. դեկտեմբերի 10-ին, Երևանում, երաժշտական ընտանիքում:&nbsp; Սովորել է Չայկովսկու անվան դպրոցում (Պետրոս Հայկազյանի դասարան): Երևանի Կոմիտասի անվան պետական կոնսերվատորիայում ուսանել է Վիլլի Մոկացյանի դասարանում: Կատարելագործվել է Բրյուսելի Թագավորական կոնսերվատորիայում՝ պրոֆ. Իգոր Օյստրախի, Նյու Յորքում՝ Միշա Քեյլինի և Փարիզում՝ Էդուարդ Վուլֆսոնի ղեկավարությամբ:<br><br>1997 թ.-ին արժանացել է Բելգիայի Ռադիոյի և հեռուստատեսության մրցույթի առաջին մրցանակին: Համագործակցել է Գիլբերտ Վարգայի, Յուստուս Ֆրանցի, Ֆրենկ Շիփուեյի, Կոլյա Բլախերի, Ռուդոլֆ Վերթենի, Քրիստիան Բորի, Ալեքսանդր Մարկովիչի, Պոլինա Լեշչենկոյի, Ֆրանկ Շպրիգուելի, Ուոլթեր Նոտասի, Օլեգ Պոլյանսկու, Վալերի Օյստրախի և այլ հայտնի երաժիշտների հետ:<br><br>Almazian Symphony նվագախմբի հիմնադիրն է: Sony Music Entertainment-ի&nbsp; և Ֆրանսիայի ազգային հեռուստատեսության հետ համատեղ Almazian Symphony նվագախումբը թողարկել է իր առաջին ալբոմը: 2018 թ.-ին Exit Festival-ում կայացել է Խաչատուր Ալմազյանի և&nbsp;իր նվագախմբի ելույթը համաշխարհային հեղինակություն վայելող բալետի աստղ Սերգեյ Պոլունինի հետ,&nbsp; գրանցելով 44.000 հանդիսատես:<br><br>Խ. Ալմազյանն իր նվագախմբի հետ ձայնագրել է Էմիր Կուստուրիցայի «Ծիր կաթին» ֆիլմի երաժշտությունը (կոմպոզիտոր՝ Ստրիբոր Կուստուրիցա) և նույն ֆիլմում նկարահանվել հայտնի դերասանուհի Մոնիկա Բելուչիի հետ:<br><br>Ալմազյանը հանդես է եկել և ձայնագրություններ կատարել Shanghai Symphony, Ontario Philharmonic, Royal Scottish National Orchestra, National Orchestra of Belgium, Belgian Radio Philharmonic, Charlemagne Orchestra, I Fiamminghi, Orchestre Royal de Chambre de Wallonie, Moravian Philharmonic, Virtousi di Praga, Northern Mexico Philharmonic, Vojvodina Symphony, Philharmonie der Nationen, Geneva Soloists, Dubrovnik Symphony, «Հայաստանի վիրտուոզներ» և այլ նվագախմբերի հետ: Ձայնագրել է երկու ալբոմ Sonoris ձայնագրման ստուդիայում (ԱՄՆ):<br><br>Մասնակցել է մի շարք միջազգային փառատոների, որորնցից են Rheingau, Schleswig-Holstein, Ost-West-Musicfest, Finca, Van Vlaanders, Menton և այլն:<br><br>Խաչատուր Ալմազյանը նվագում է Ջուզեպե Գալիանոյի՝ 1774 թ.-ին կերտած ջութակով (Արա Սիմոնյանի անձնական հավաքածուից), ինչպես նաև Գարնիե ընտանիքի կողմից տրամադրած Gand &amp; Bernardel (1886թ.) ջութակով:<br><br>Որպես պրոդյուսեր Խաչատուր Ալմազյանն իրականացնում է տարբեր նախագծեր, որոնց թվում արվեստի փառատոներ են, արհեստական ինտելեկտի զարգացման երաժշտական ստեղծագործություններ և այլն: Խ. Ալմազյանը եղել է Էմիր Կուստուրիցայի և նրա The No Smoking նվագախմբի հայաստանյան հյուրախաղերի կազմակերպիչը և պրոդյուսերը:</span>