Լուսինե Գրիգորյան

Դաշնակահար

Դաշնակահար

Կենսագրություն

Դաշնակահար Լուսինե Գրիգորյանը ծնվել է Գյումրիում, հոկտեմբերի 6-ին: 1992-97 սովորել է Երևանի Կոմիտասի անվան պետական կոնսերվատորիայի դաշնամուրային բաժնում՝ Ռոբերտ Շուգարովի ղեկավարությամբ:

Բազմաթիվ համերգներով հանդես է եկել Գերմանիայում, Ֆրանսիայում, Բելգիայում, Շվեցարիայում, Ավստրիայում, Լեհաստանում, ԱՄՆ-ում, Պորտուգալիայում, Լիբանանում, Ավստրալիայում: Որպես մենակատար հանդես է եկել այնպիսի հեղինակավոր փառատոներում, ինչպիսիք են Հոլանդ ֆեստիվալը (Ամստերդամ), Բոզաղը (Բելգիա), Նոստալգիան (Լեհաստան), Քեմբերա ֆեստիվալը (Ավստրալիա) և այլն:

2015 թ. Շվեյցարիայի Լուգանո ռադիոստուդիայում ձայնագրել է Կոմիտասի դաշնամուրային բոլոր ստեղծագործությունները, որը հրատարակվել է 2017 թ., գերմանական հանրահայտ ECM records-ի կողմից: Սկավառակը և Լուսինե Գրիգորյանի կատարողական արվեստը բարձր են գնահատել այնպիսի հեղինակավոր պարբերականներ, ինչպիսիք են` BBC music magazine-ը, Gramophone-ը , Klassik Akzente-ը, Crescendo-ն և այլն:

«Արբեցած զուլալությամբ»,- այսպես է բնութագրում Գրիգորյանի կատարումը Klassik Akzente գերմանական երաժշտական ամսագիրը։

Բրիտանացի գրող, երաժշտական քննադատ Պոլ Գրիֆիթի խոսքերով, Լուսինե Գրիգորյանի նվագը «առեղծվածային ներկայություն է՝ Կոմիտասի երաժշտության նման»: