Մարի Կույումջյան

Մարի Կույումջյանը ամերիկահայ կոմպոզիտոր է, որի ստեղծագործություններն առանձնանում են ժամանակակից երաժշտության և մարդկային պատմությունների համադրությամբ։ Նրա աշխատանքներում կարևոր տեղ են զբաղեցնում հիշողության, պատերազմի, տեղահանության և մարդկային ճակատագրերի թեմաները։

Կույումջյանը ծնվել է 1983 թվականին՝ ԱՄՆ-ում։ Նրա ընտանիքի պատմությունը կապված է Հայոց ցեղասպանության և Լիբանանի քաղաքացիական պատերազմի հետ։ Այս իրադարձություններն իրենց ազդեցությունն են ունեցել կոմպոզիտորի ստեղծագործական մտածողության վրա։

Նա երաժշտական կոմպոզիցիա է ուսանել Կալիֆոռնիայի համալսարանի Սան Դիեգոյի մասնաճյուղում, Նյու Յորքի համալսարանում և Կոլումբիայի համալսարանում։ Իր ստեղծագործություններում Կույումջյանը հաճախ համադրում է երաժշտությունն ու վավերագրական նյութերը՝ անդրադառնալով հասարակական և պատմական կարևոր թեմաների։

Նրա նշանակալի աշխատանքներից է «Paper Pianos» ստեղծագործությունը, որն անդրադառնում է տեղահանության, հիշողության և երաժշտության ուժին։ 2024 թվականին այն ընդգրկվել է Պուլիցերյան մրցանակի երաժշտական անվանակարգի եզրափակիչ փուլում։

Կույումջյանի մեկ այլ կարևոր նախագիծ է «WITNESS»-ը, որը ստեղծվել է «Քրոնոս» լարային քառյակի հետ համագործակցությամբ և անդրադառնում է ցեղասպանության, պատերազմի ու պատմական հիշողության թեմաներին։

Նրա «Adoration» (Երկրպագություն) կամերային օպերան հիմնված է հայ-կանադացի կինոռեժիսոր Ատոմ Էգոյանի համանուն ֆիլմի վրա։ 2026 թվականին օպերայի ձայնագրությունն առաջադրվել է «Գրեմմի» մրցանակի՝ «Լավագույն օպերային ձայնագրություն» անվանակարգում։

Մերի Կույումջյանը համագործակցել է ժամանակակից երաժշտության ոլորտի հեղինակավոր կառույցների և կատարողների, այդ թվում՝ Նյու Յորքի ֆիլհարմոնիկ նվագախմբի և «Քրոնոս» լարային քառյակի հետ։ Նա նաև «New Music Gathering» համաժողովի համահիմնադիրներից է և զբաղվել է երիտասարդ երաժիշտների կրթությամբ։